Thursday, August 10, 2017

عمران نیازی تلاشی دو بھاگ کیوں رہے ہو، عائشہ گلالئی

چیئرمین پی ٹی آئی پر مختلف الزامات عائد کرکے پی ٹی آئی کو خیر باد کہنے والی عائشہ گلالئی کا کہنا ہے کہ عمران نیازی تلاشی دو بھاگ کیوں رہے ہو۔
انہوں نے مزید کہا کہ حیرت ہوئی آج اخلاقی طورپر کرپٹ شخص مالی کرپشن کی بات کررہا ہے، اگر میں نے جھوٹا الزام لگایا ہوتا تو آج میرے خلاف عمران نیازی دعویٰ کرتے۔
عائشہ گلالئی نے کہا کہ عمران نیازی نہ سپریم کورٹ جاتے ہیں نہ پارلیمانی کمیٹی میں پیش ہوتے ہیں،وہ کہتے ہیں کہ اپنا موبائل فارنزک آڈٹ کے لیے نہیں دیں گے۔
انہوں نے کہا کہ میں توپارلیمانی کمیٹی میں اپناموبائل پیش کروں گی، عمران کوبھی اپناموبائل دینا ہوگا، عمران نیازی جھوٹ اور تہمت کی سیاست کر کے قوم کو اپنا اصل چہرہ دکھا رہے ہیں۔
گلالئی کا مزید کہنا ہے کہ عمران خان شدیدخوف اور گھبراہٹ میں مبتلا ہیں، چار سال سے ان کو میری کرپشن نظر نہیں آئی، اب کرپشن کے الزام لگا کر خواتین کی آواز دبانے کی کوشش کی جارہی ہے۔

https://jang.com.pk/latest/359477-get-searched-why-are-you-running-imran-ayesha-gulalai

No comments: