وزیراعظم صاحب۔۔! عوامی مسائل کا حل معلوم نہیں تو گھر چلے جائیں، بلاول بھٹو

پیپلز پارٹی کے چیئرمین بلاول بھٹو نے کہا ہے کہ ملک پر ہمارے وزیراعظم ابھی تک زیر تربیت ہیں۔ تمام

بوجھ عوام کو اٹھانا پڑ رہا ہے۔ عمران خان کے پاس عوام کے مسائل کا حل نہیں ہے تو وہ گھر چلے جائیں۔

بلاول بھٹو زرداری کا کراچی میں ملیر ایکسپریس وے کا سنگ بنیاد رکھنے کی تقریب سے خطاب کرتے ہوئے کہنا تھا کہ یہ افسوس کا مقام ہے کہ پاکستان آج افغانستان اور بنگلا دیش سے بھی پیچھے ہے۔ مشکل حالات میں وزیراعظم کا ایک ہی جواب ہوتا ہے کہ میں کیا کروں۔

چیئرمین پیپلز پارٹی نے کہا کہ مشکل حالات کا مقابلہ کرنے کا پیپلز پارٹی کا ٹریک ریکارڈ موجود ہے۔ ہم نے نااہل اور نالائق وزیراعظم کو بھگانا ہے۔ ہم نے عوامی حکومت لانی ہے جس کا کام عوام کے مسائل حل کرنا ہوتا ہے۔ دوسروں کے اشاروں پر آنے والے عوام پر توجہ نہیں دیتے۔

ان کا کہنا تھا کہ عمران خان کی حکومت صوبوں کو لاوارث چھوڑ دیا ہے۔ جب صوبوں نے حساب مانگنا شروع کیا تو انکے پاس کچھ نہیں رہے گا۔ اگر یہی حالات رہے تو پھر عوام پر کوئی قابو نہیں پا سکے گا۔ کراچی جیسے شہر میں گیس نہیں ہے۔

https://samachar.pk/