گلگت بلتستان کے لوگوں کا جوش جمہوریت سے وابستگی کا عہد ہے، بلاول بھٹو زرداری

پاکستان پیپلز پارٹی کے چیئر مین بلاول بھٹو زرداری کہتے ہیں کہ گلگت بلتستان کے لوگوں کا جوش جمہوریت سے وابستگی کا عہد ہے۔

چیئرمین پاکستان پیپلز پارٹی بلاول بھٹو زرداری نے گلگلت بلتستان میں جاری الیکشن سے متعلق اپنے بیان میں کہا ہے کہ الیکشن کمیشن عوام کے ان جذبات کو ملحوظِ خاطر رکھے۔

دھاندلی نہ ہوئی تو بھاری اکثریت سے جیتیں گے، بلاول

چیئرمین پاکستان پیپلز پارٹی نے کہا ہے کہ الیکشن کمیشن ووٹ کاسٹ کرنے اور ایک ایک ووٹ کے شمار کو یقینی بنائے۔

واضح رہے کہ اس سے قبل چیئرمین بلاول بھٹو زرداری کا کہنا تھا کہ گلگت بلتستان الیکشن میں دھاندلی نہیں ہوئی تو پیپلز پارٹی بھاری اکثریت سے کامیاب ہوگی۔

بلاول بھٹو زرداری نے پریس کانفرنس کے دوران کہا تھا کہ  انتخابات میں اگر دھاندلی ہوئی تو شدید ردِعمل ہوگا، کسی کو ووٹ چوری نہیں کرنے دیں گے۔

https://jang.com.pk/news/845064