پاکستان پیپلز پارٹی کے چیئرمین بلاول بھٹو زرداری نے
سکھ گرو نانک دیو کے 550 ویں یومِ پیدائش پر پاکستان سمیت دنیا بھر کی سکھ کمیونٹی کو مبارکباد دی ہے۔ اپنے پیغام میں بلاول بھٹو زرداری نے کہا کہ گرو نانک نے امن، محبت اور مذھبی ہم آہنگی کا پرچار کیا، جس کی آج کی دنیا کو بہت ضرورت ہے۔ انہوں نے کہا کہ ملکی دستور کی رُو سے پاکستان میں دیگر اقلیتوں کی طرح سکھ برادری کو بھی مکمل مذھبی آزادی حاصل ہے اور پاکستان کی سکھ برادری محب وطن و زندہ دل کمیونٹی ہے۔ بلاول بھٹو زرداری نے پاکستانی سکھ کمیونٹی پر زور دیا کہ وہ پاکستان کی پوری قوم کی جانب سے گرو نانک کے یوم پیدائش پر دنیا بھر سے آنے والے یاتریوں کو پاکستانیوں کی روایتی مہمان نوازی سے خوش آمدید کہیں۔
No comments:
Post a Comment